Judul : Ra'-para' Elong | Ajaz elmazry
link : Ra'-para' Elong | Ajaz elmazry
Ra'-para' Elong | Ajaz elmazry
ajaz elmazry*
Cabbhina sèram, temonna bhutok
lagghu' pèlèan, sènga' jhâ' sampè' lopot
Misemma kèayi bân sorbânna rèng è-ma-taè
jhâ' sampè' taporop, kodhu pèkkèr pasorop
Bâjingan sakalè jhâ' kosè katako'è
mon la ta' pastè jhâ' sampè' ka atè
Mon lakar rèng teppa', bilâ arembhâk rèa pasèpa'
bânni ghun caca sè pa'-dâpa', tapè èssèna kèpa'
Bhender ca'na embu', sè nyaman rèa jhât toju'
ta' usa bu'-kasambu' ka orèng bu'masibu'
bhâli' ghibâ ngakan bu'u', ma' ollè ta' sakè' tabu'
Bilâ nangalè pessè jhât sakabbhi'na sè-mabhersè
ta' tao jhâ' bhumina bhâkal è koasaè
empa' sampè' lèma-taon polè
jhâ' rak-pèrak polana satèa ollè aorak
sènga' bilâ dhâddhi pas soro ngakan kerrak
nyabâna sabâ bân tasè' jhâ' sampè' porop sapèrèng nasè'
odi' bânni ghun urusân tabu' malolo
tapè na'-poto kodhu padâ mèlo
sapa polè sè ajâgâ'â mon ta' kèng engko' bân bâ'na
sè ghi' padâ-bâdâ
bâ'na kan la tao dhibi' jhâ' satèa bânnya' sè è padhâddhi embi'
ghellem è rèt-tèrèt poko' bisa ngènom kobhi ngangghuy cèrèt
ta' ènga' jhâ' abâ'na è pamalarat, odi'na sakarat
sajân abit sajân karat
padâ bân soara sè perrat, tekka kosè akoak
ghi' pagghun tajhemman salempèr sorat
Sènga' jhâ' sampè' sala mèlè, mon ta' terro matèa rè-lèrè
jhâ' sampè taghudhâ polana asarong
aroa kèng ghun marammèa lorong
è ko-bengko adhu'um pessè è baddhâi karong
èssèna saratos sampè' du-ratos mon è papolong
padâ bhâi kalambhi potè bânni pas nandhâ'aghi èssèna atè
bâli' ngaot soara kalabân jhânjhi sè pèapè
pas sambi ngoca' jhâ' sapopona nyiaè
Sumedangan, 28 November 2020
Demikianlah Artikel Ra'-para' Elong | Ajaz elmazry
Anda sekarang membaca artikel Ra'-para' Elong | Ajaz elmazry dengan alamat link https://re-plye.blogspot.com/2020/12/ra-elong-ajaz-elmazry.html
Posting Komentar
Posting Komentar